Rekstur - rekstrarkostnaður
Í 6. grein samþykkta STEFs er kveðið á um meðferð fjármála samtakanna. Þar kemur fram að fyrst skuli greiða opinber gjöld en síðan allan rekstrarkostnað samtakanna, en það sem eftir verður skiptist með þeim sem eiga flutningsrétt á verkum sem samtökin innheimta gjöld fyrir. Auk þess má greiða allt að 15% til Tónmenntasjóðs I, eftir nánari ákvörðun aðalfundar fulltrúaráðsins.
Reikningar samtakanna eru lagðir fyrir aðalfund einu sinni á ári, og er hann haldinn í maí. Aðalfund situr fulltrúaráð STEFs (stjórn og fulltrúaráð), auk framkvæmdastjóra, skrifstofustjóra, innheimtustjóra og löggiltum endurskoðanda sem sitja fundinn án tillögu- og atkvæðisréttar.
Stærsti liðurinn í rekstrarkostnaði samtakanna á árinu 2003 voru, eins og oftast endranær, laun og launatengd gjöld en þar á eftir kom ýmis rekstrarkostnaður, m.a. kostnaður við nýtt tölvukerfi samtakanna, og innheimtukostnaður.
Fastir starfsmenn samtakanna eru:
Eiríkur Tómasson prófessor, framkvæmdastjóri, í 50% starfi,
Jenný Davíðsdóttir, skrifstofustjóri og útibússtjóri NCB, í 100% starfi,
Sigríður Guðjónsdóttir, gjaldkeri, í 100% starfi,
Bjarney Gísladóttir, skrifstofumaður, í 100% starfi,
Magnús Guðmundsson, skrásetjari, tölvuvinnsla, í 60% starfi
Guðný Rósa Gísladóttir, bókari og starfsmaður NCB, í 50% starfi.
Markaðs- og innheimtustjóri samtakanna er Gunnar Stefánsson.
Að ræstingu og viðhaldi húseignarinnar Laufásvegi 40 koma ýmsir aðilar.
Að sérverkefnum koma ýmsir aðilar, s.s. tölvukerfum, mati og flokkun tónverka o.fl. o.fl.
