Fróðleiksmolar - fréttir
Höfundarétturinn og STEF
Höfundarétturinn er menningarpólitískur réttur sem hefur þann megintilgang að efla listsköpun í landinu. Höfundaréttarins er gætt af höfundaréttarsamtökum þar sem einkaréttargæslu verður ekki við komið. STEF annast slíka gæslu fyrir tónskáld og textahöfunda og er í bókarkorni þessu rakin saga félagsins síðustu fimm áratugina. Titill bókarinnar, Þú skalt ekki stela, er sóttur í 7. boðorðið en til þess er oft vitnað í sambandi við höfundaréttarlegar ávirðingar, m.a. í grein sem Halldór Laxness ritaði þegar baráttan fyrir aðild Íslands að Bernarsáttmálanum stóð sem hæst.
